Facebook “fluturon” në bursë, Zuckerberg i pesti në listën e më të pasurve

Facebook po “fluturon” në bursë ditët e fundit dhe kjo ka bërë që Mark Zuckerberg të fitojë plot 6.2 miliardë dollarë në një ditë të vetme.

Një shumë kjo që e ka katapultuar në vendin e pestë të listës së më të pasurve, duke lënë pas themeluesin e Zara-s, Amancio Ortega, dhe sipërmarrësin meksikan, Carlos Slim.

Me një pasuri që në total shkon në 65.6 miliardë dollarë, Zuckerberg renditet i pesti në klasifikimin që ka bërë Bloomberg për më të pasurit.

Lista kryesohet nga Jeff Bezos me 142.1 miliardë dollarë, Bill Gates vjen i dyti me 95.8 miliardë, Warren Buffet është i treti me 84.9 miliardë dhe Bernard Arnault i katërti me 76.6 miliardë dollarë.