Marrëveshja e Prespës votohet sot në Parlamentin e Maqedonisë.
Kjo është faza e tretë dhe finale për ndryshimin e Kushtetutës, në bazë të marrëveshjes së arritur pak muaj më parë më Greqinë.
Amendamentet e paraqitura nga qeveria duhet të marrin mbështetjen e 2/3 së deputetëve (80 vota).
Kryeministri Zoran Zaev është shprehur optimist për miratimin dhe zbatimin e marrëveshjes së Prespës.
VMRO-DPMNE ka njoftuar se nuk do të marrë pjesë në procesin e ndryshimeve kushtetuese dhe do të përjashtojë deputetët e saj që marrin pjesë në votim.
Drita jeshile e Parlamentit maqedonas për marrëveshjen e Prespës e kalon “topin” te Greqia. Në mënyrë që marrëveshja të bëhet e zbatueshme, ajo duhet të ratifikohet edhe nga Parlamenti në Athinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
