Ministri i Jashtëm i Koresë së Veriut ka mbërritur në Suedi, një manovër domethënëse diplomatike e Penianit qëkur presidenti amerikan, Donald Trump, tha se do të takohet me Kim Jing-unin.
Suedia, ambasada e të cilës përfaqëson interesat e SHBA-ve në kryeqytetin e Koresë së Veriut, është përmendur si një vend i mundshëm për takimin e rëndësishëm mes Kim dhe Trump.
Bisedimet midis ministres së jashtme suedeze, Margot Wallstrom, dhe homologut të saj të Koresë së Veriut, Ri Yong Ho, do të "përqendrohen në përgjegjësitë konsullore të Suedisë si një fuqi mbrojtëse për Shtetet e Bashkuara, Kanadanë dhe Australinë", thuhet në një njoftim të qeverisë suedeze për vizitën 2-ditore të Ri Yong Ho.
Gjendja e sigurisë në Gadishullin Korean është gjithashtu në axhendën e vizitës. Koreja e Veriut nuk ka bërë asnjë koment zyrtar për takimin e propozuar ballë për ballë që kur Trump pranoi ftesën e Kimit, e propozua gojarisht nga një delegacion i Koresë së Jugut. Por burimet diplomatike kanë treguar shumë besim për veprimet e Koresë së Jugut dhe rezultatet që palët presin. Ri Yong Ho është një nga emrat më të njohur të Koresë së Veriut. / CNN /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
