Policia ka dalë me një njoftim zyrtar lidhur me aksidentin e rëndë që ndodhi sot te Shallvaret në kryeqytet, ku u përfshi një autobus urban dhe 10 automjete. “Blutë” flasin për 9 persona të plagosur si pasojë e aksidentit, mes të cilëve edhe drejtuesi i autobusit. Sipas Policisë pas testit të alkoolit nuk rezulton që drejtuesi i autobusit të ketë qenë nën efektin e pijeve alkoolike.
Në njoftim thuhet se:
Në vijim të informacionit paraprak të dhënë pak minuta më parë, ku rreth orës 11:35, në vendin e quajtur “Ura e Tajvanit”, një autobus i linjës së Unazës është përplasur me disa automjete, ju sqarojmë se: Si pasojë janë dëmtuar shtetasit: A. Xh., 63 vjeç, (drejtuesi i autobusit), M. S., 35 vjeçe; G. P., 27 vjeç dhe V. P., 27 vjeç; O. G., 52 vjeç dhe J. C., 31 vjeçe, D. N., 27 vjeç, K. A., dhe E. H., të cilët ndodhen nën kujdesin e mjekëve.
Pas testit të alkoolit, drejtuesi i autobusit nuk ka rezultuar nën efektin e pijeve alkoolike. Në vendngjarje ndodhen shërbimet e ambulancës dhe shërbimet e Policisë. Grupi hetimor po punon për zbardhjen e rrethanave të aksidentit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
