Partia Republikane mund të regjistrohet e vetme në zgjedhjet e 25 qershorit. Partia aleate e Partisë Demokratike do të dalë e vetme në zgjedhjet e ardhshme, raporton “Ora”, e cila u referohet burimeve brenda PD-së.
Kreu i PD-së, Lulzim Basha, ka arritur marrëveshje deri tani me 3 parti të vogla, PBDNJ, PDK, dhe LZHK, krerët e të cilave janë renditur në listat fituese të Partisë Demokratike.
Ndërkohë, nuk ka asnjë marrëveshje me PR dhe PAA-në e Agron Dukës, i cili është shprehur i hapur edhe për bashkëpunim me PD-në.
Duka dhe Mediu ishin iniciatorët e tryezës së përbashkët të të gjitha partive, që përfundoi me arritjen e marrëveshjes Rama-Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
