Pas deklaratës së Sali Berishës në Kuvendin Kombëtar të PD se kush bashkëpunon me Ervin Salianjin nuk ka vend në parti, Salianji reagoi duke e cilësuar këtë qasje si përjashtuese dhe jo demokratike.
Ai tha se problemi i PD nuk është mungesa e mbështetjes, por një mentalitet që kërkon bindje të verbër dhe eliminon debatin e lirë.
Sipas tij, një parti nuk mund të funksionojë si pronë personale e askujt dhe nuk duhet të përjashtojë anëtarët për mendime të ndryshme.
Salianji theksoi se PD mund të bëhet shumicë vetëm duke bashkuar demokratët dhe jo duke i përçarë ata.
“Uzurpatori ka shqetësim cilindo që e do Partinë Demokratike fituese, për uzurpatorin ata janë problemi, e shqetësojnë në rehatinë e tij të bashkëqeverisjes me Ramën.
Problemi sot është është mentaliteti që kërkon bindje të verbër, përjashtim dhe frikë në vend të garës, debatit dhe meritës.
Deklarata e Sali Berishës se “kushdo që bashkëpunon me Salianjin s’ka punë me PD” është dëshmia e qartë se problemi i Partisë Demokratike nuk është mungesa e mbështetjes, por mungesa e demokracisë. Për mbeshtetje nuk pati guxim te përballeshim në garë!
Një parti politike nuk mund të funksionojë si pronë personale e askujt. Në një parti demokratike nuk përjashtohen njerëzit sepse mendojnë ndryshe, nuk shpallen armiq ata që bashkëpunojnë me kolegët e tyre dhe nuk vendoset besnikëria ndaj individit mbi interesin e partisë.
Demokratët nuk kanë nevojë për lista armiqsh, por për një projekt fitues që bashkon dhe jo përçan.
PD nuk do të bëhet shumicë duke përjashtuar demokratët. PD bëhet shumicë duke i bashkuar ata. Kjo është beteja dhe ne nuk do ti shmangemi deri në fund!”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
