Hatixhe Lushi është interpretuesja e shquar e këngëve të vajit e cila rrugëtimin e saj e nisi që në fëmijërinë e saj në Librazhd.
Ajo rrëfeu për shikuesit e programit të mëngjesit “Zgjohu me MCN” rrugëtimin e saj që nisi që në familje dhe vazhdoi në studimet në Tiranë dhe përkrahjen që i dha i ati duke e motivuar të bëhet si këngëtarja e madhe, Nexhmije Pagarusha.
Kam lindur në një familje ne fshatin Pokre, dhe në familjen time çdo natë bëhej festë e bukur, dikush këndonte, një ambient aq i dashur, kur i mora gjerat e artit. Ka qenë një ambient aq i dashur familjar ku cdo këngë, çdo melodi, ishte natyralitet.
Në shkollë që e vogël kam filluar të këndoj. Në familjen time ishte e gatshme ajo tryeza e muzikës.
Babi im e dëgjonte shumë radion Kosovë fshehurazi dhe e dëgjonte Nexhmie Pagarushën dhe më thoshte do bëhesh si ajo dhe vërtet erdhi një moment që e krijova lidhjen me Nexhmijen.
Unë mendoj se duke pasur në jetën tënde disa projekte ato realizohen, mbase jo menjëherë por mënyra duke i kërkuar këto gjëra, në i kam marrë.
Pasi kam mbaruar shkollën e mesme të muzikës në Elbasan, atje e gjeta veten dhe më pas konkurrova për kanton në Institutin e Arteve, ishte mrekullia që erdhi se e kam fituar, sepse konkurset ishin shumë të vështira.
Këngëtarja Lushi, sjell ndjesinë e të larguarit në atë koha nga vendlindja dhe lidhjen e veçantë që kishte me nënën e saj.
Në fillim kur jam larguar jam mërzitur, dhe gjithmonë kisha një mall për fshatin dhe sot e kam mendjen atje, atje i shoh ëndrrat dhe tani që jam në këtë kohë.
Kështu që largimi ka qenë i rëndë.
Kur vinte 8 marsi, unë i shkruaja nënë më ka mare malli, dhe je gjëja ime më e shtrenjtë, dhe kur ndërroi jetë, ajo i kishte ruajtur të gjitha letrat në një çorape.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
