Kryetari i Prezencës së OSBE-së, ambasadori Bernd Borchardt, ndodhet sot në Korçë për të marrë pjesë në një tryezë për dënimet alternative, të organizuar në bashkëpunim me Ministrinë e Drejtësisë dhe Prokurorinë e Përgjithshme.
Pas një takimi me kryetarin e Bashkisë, Sotiraq Filo, ai u pyet nga gazetarët lidhur me reformën zgjedhore. Borchardt tha se, është e rëndësishme që sugjerimet e shumta për reformën zgjedhore të bëhen tani në një mënyrë sa më formale. “Prezenca e OSBE-së i ka ofruar Komisionit të Posaçëm që sapo komisioni të ketë një draft të përbashkët, sapo ai të ketë disa ide të përbashkëta se si të përmirësohet sistemin zgjedhor dhe sistemi i votimit, atëherë ne do të sjellim ekspertët tanë për të këshilluar lidhur me bërjen teknike të ndryshimeve,” tha Borchardt.
Ai shtoi se procesi i reformës zgjedhore është në vijim dhe Prezenca e OSBE-së është e gatshme të ndihmojë për ta bërë një proces të suksesshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
