Lideri çeçen, thirrje ushtrisë për një operacion në shkallë të gjerë në Ukrainë

Ramzan Kadyrov, udhëheqësi pro-Kremlinit i rajonit rus të Çeçenisë, i bëri thirrje ushtrisë ruse që të zgjerojë ofensivën e saj ushtarake në Ukrainë. 

Ka ardhur koha për të marrë një vendim konkret dhe për të filluar një operacion në shkallë të gjerë në të gjitha drejtimet dhe territoret e Ukrainës”, tha Kadyrov në një deklaratë në llogarinë e tij Telegram. 

Unë kam zhvilluar vazhdimisht taktika dhe strategji kundër terroristëve, kam marrë pjesë në beteja. Sipas mendimit tim, taktikat e zgjedhura në Ukrainë janë shumë të ngadalta. Zgjasin në kohë dhe nuk janë efektive”, tha ai. Kadyrov kërkoi një koordinim të plotë të veprimeve ushtarake dhe një sulm vendimtar ndaj Ukrainës.

Kadyrov është akuzuar nga vëzhgues ndërkombëtarë dhe të pavarur për shkelje të rënda të të drejtave të njeriut në territorin e tij dhe më gjerë.