Policia e Durrësit ka dhënë detaje lidhur me pengmarrjen e Indrit Beqirajt. Mësohet se ky i fundt po udhëtonte me motor bashkë me vëllanë në autostradën Durrës-Tiranë, dhe është përfshirë në një incident.
Një automjet ka goditur motorin dhe për pasojë mjeti ka dalë nga rruga. Në konflikt e sipër, personat që ishin në automjet kanë marrë njërin prej vëllezërve, Indrit Beqirajn, të cilin e kanë lënë në rrugë larg nga vendi i konfliktit, dhe më pas janë larguar.
NJOFTIMI
Në autostradën Durrës-Tiranë, në vendin e quajtur “Koxhas”, shtetasit G. B. dhe I. B. (vëllezër), duke udhëtuar me motor, dyshohet se janë përfshirë në një incident rrugor, pasi një automjet ka goditur motorin e tyre, i cili për pasojë ka dalë nga rruga. Për këtë shkak, dy vëllezërit janë konfliktuar fizikisht me personat që ishin në automjet.
Në konflikt e sipër, personat që ishin në automjet kanë marrë njërin prej vëllezërve, shtetasin I. B., të cilin e kanë lënë në rrugë, larg nga vendi i konfliktit, dhe më pas janë larguar.
Nga strukturat hetimore të Drejtorisë Vendore të Policisë Durrës, nën drejtimin e Prokurorisë, në bazë të kallëzimit të shtetasit I. B., është regjistruar procedimi penal dhe po punohet për sqarimin e motivit dhe të rrethanave të ngjarjes, si dhe për implikimin e këtyre personave, në ngjarje të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
