Bashaj: Kandidimi im, vlerësim i lartë. PS merr më shumë mandate se në 2021

<p>Roi Bashaj, kandidat i PS, Tiranë, thotë se në zgjedhjet e 11 majit do të jetë në listën e hapur në Tiranë dhe kjo për të është një mundësi shumë e mirë për të mësuar. &nbsp;</p> <p>Ai tha se në këto zgjedhje pret që Partia Socialiste të dalë më mirë se në zgjedhjet e vitit 2021 dhe për ta arritur këtë e ka nisur punën katër vjet më parë.</p> <blockquote> <p><em>Unë jam prej vitesh pjesë aktive e strukturave rinore të PS. Në shtator u bënë 10 vite që angazhohem non stop në kauzat rinore. M’u besua kjo detyrë. Nuk besoj që ka të re apo të ri që me angazhimin e vet nuk synon të jetë kontributor. Patjetër për mua është vlerësim shumë i lartë. Është një formë shpërblimi jo vetëm e imja, por edhe e kauzave që ne si grup kemi marrë prej vitesh. Unë kam detyrën e sekretarit të rinisë. Unë jam munduar që i gjithë fokusi im të ishte te kjo detyrë. Unë nuk kam qenë ndonjëherë 100% gati gjithmonë, por kush është, ndaj duhet provuar. Kemi mësuar shumë por kemi shumë më shumë për të mësuar. </em></p> <p><em>Ne na bën bashkë një skuadër që është më e madhe se emri individual i gjithësecilit. Besoj që për aspektin politik, fushata e PS prej kohësh është e orientuar drejt asaj që vjen më pas, Shqipëria në BE. Unë mendoj që Shqipëria në 2030 përmbledh arsim më cilësor, shërbim më të mirë shëndetësor, infrastrukturë më të mirë etj. </em></p> <p><em>E kam thënë shpesh që nëse fillojmë e flasim me fjalë të mëdha e fjalime të gjata, me këtë lloj retorike, nëse nuk do të jetë kjo mënyra si ne shfaqemi përballë votuesve, krijojmë një hapësirë shumë të madhe keqkuptimi. </em></p> <p>&nbsp;</p> </blockquote>