Parlamenti grek ka miratuar një amendament që u hap rrugë ndryshimeve kushtetuese në lidhje me marrëdhëniet e kishës me shtetin. Amendamenti i qeverisë është në të vërtetë një propozim për të ndryshuar Nenin 3 të Kushtetutës, në mënyrë që të përcaktohet në mënyrë eksplicite ndarja e shtetit nga kisha.
Fillimisht nuk ishte e qartë nëse ky amendament u miratua, por kreu i Parlamentit, Nikos Voutsis, njoftoi se ai kishte kaluar me votën pro të 151 deputetëve.
Megjithëse Parlamenti i ka hapur dritën jeshile ndryshimit kushtetues që përcakton neutralitetin e plotë të shtetit në raport me fenë, ky ndryshim do të bëhet në sesionin e ardhshëm parlamentar.
Kisha Ortodokse e Greqisë dhe Patriarkana Ekumenike, e cila ka në varësi të saj dhjetëra dioqeza të vendit, e kanë kundërshuar me forcë ndryshimin e Nenit 3.
Një votim i dytë pas një muaji do të shqyrtojë të gjitha pikat e amendamentit që kaloi sot në Parlament. Fakti që dispozita në fjalë nuk mori 2/3 e votave do të thotë që do t’i duhen po kaq vota në parlamentin e ri pas zgjedhjeve.
Kjo do të thotë se, pas zgjedhjeve të reja, shumica në pushtet mund të bllokojë amendamentin. Nëse në pushtet vjen Demokracia e Re, siç tregojnë të gjitha sondazhet, atëherë pritet që pikërisht ky skenar të vihet në zbatim.
Parlamenti grek i sot votoi të gjitha amendamentet e propozuara nga SYRIZA në pushtet dhe partia kryesore e opozitës Demokracia e Re, si dhe mbi të gjitha amendamentet e propozuara nga të paktën 50 deputetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
