Gjykata e Lartë e Izraelit vendosi ditën e sotme se ushtria duhet të fillojë të rekrutojë burra ultra-ortodoksë për shërbimin ushtarak, një vendim i cili mund të shkaktojë një reagim të ashpër në qeveri dhe madje të shembë koalicionin qeverisës të kryeministrit Benjamin Netanyahu në mes të luftës që është në vazhdim në Gaza.
Gjykata vendosi se në mungesë të legjislacionit që siguron një dallim të qartë midis hebrenjve ortodoksë dhe rezervistëve të tjerë, shërbimi i detyrueshëm ushtarak i Izraelit zbatohet për hebrenjtë ultra-ortodoksë, ashtu si për qytetarët e tjerë.
Pas dekadash marrëveshjesh të veçanta, ultra-ortodoksët u përjashtuan nga rekrutimi, i cili është i detyrueshëm për shumicën e burrave dhe grave hebre.
Ky përjashtim ka mbetur prej vitesh një “ngërç” në vend dhe një burim zemërimi në shtetin laik, diçka që është intensifikuar gjatë tetë muajve të fundit të luftës, gjatë së cilës janë rekrutuar mijëra njerëz dhe qindra ushtarë janë vrarë.
Sipas vendimit, shteti mban një zbatim pa dallim selektiv të ligjit që përbën një shkelje të rëndë të shtetit të së drejtës dhe parimit që të gjithë njerëzit janë të barabartë përpara ligjit.
“Në kulmin e një lufte të vështirë, barra e pabarazisë është më e mprehtë se kurrë”, thuhet në vendimin unanim të gjykatës.
Partitë e fuqishme ultra-ortodokse, partnerët kryesorë në qeverinë e koalicionit të Netanyahut, kundërshtojnë çdo ndryshim në sistemin aktual të rekrutimit.
Nga ana tjetër, qeveria Netanyahu mbështetet në dy prej këtyre partive për mbijetesën e saj. Vendimi i gjykatës, i cili teston zakonet konservatore të Izraelit, besohet se do të provokojë një reagim në mesin e votuesve ultra-ortodoksë, duke ndezur zhvillime të reja.
Nën presionin e votuesve, është e mundur që partitë e ekstremit të djathtë “Fuqia Hebraike” e Itamar Ben-Gvir dhe “Zionizmi Fetar” i Bezalel Smotrich të tërheqin mbështetjen e tyre për qeverinë, duke shkaktuar kolapsin e saj dhe duke çuar në zgjedhje të reja.
“Kjo mund të përkeqësojë tensionet në koalicion”, deklaron Suki Friedman, nënkryetare e Institutit të Politikave të Popullit Hebreje, një institut kërkimi në Jerusalem, duke argumentuar se ultra-ortodoksët e kuptojnë se nuk kanë alternativë më të mirë, por në të njëjtën kohë ata janë nën presionin e zgjedhësve të tyre që pyesin veten pse votuan.
Burrat ultra-ortodoksë ndjekin kurse të veçanta që përqendrohen në studimet fetare, me pak vëmendje për lëndët laike si matematika, anglishtja ose shkenca.
Kritikët argumentojnë se ata nuk janë të përgatitur për të shërbyer në ushtri ose për të hyrë në fuqinë punëtore laike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
