Rrjetet sociale më të përdorura nga njerëzit në mbarë botën si "Facebook' dhe "Instagram" kanë rënë në Shtetet e Bashkuara të Amerikës dhe në disa vendeve të Evropës. Përdoruesit raportojnë se nuk mund të bëjnë dot postime. Sapo përpiqen të publikojnë diçka, faqja ju mbyllet.
Ky problem i Facebook ka prekur edhe Shqipërinë. Problemi qëndron kryesisht në postimin e linqeve të ndryshme. Nuk dihet saktësisht se çfarë problemi teknik mund të ketë "Facebook", ndërkohë që ende nuk ka asnjë reagim prej tyre.
“DownDetector” pohon se serverat e "Facebook" kanë probleme dhe kjo nuk është hera e parë që ndodh brenda një kohe të shkurtër. Para disa javësh, përdorusit raportuan probleme sërish duke u ankuar se "Facebook" nuk përditësonte postimet e fundit.
Në gusht, rrjeti social u rrëzua në disa vende të Evropës duke bllokuar mijëra përdorues për të hyrë në llogaritë e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
