Ankimimi i Veliaj për shkarkimin nga detyra, mbahet seanca në Gjykatën Kushtetuese (VIDEO)

Ka nisur në Gjykatën Kushtetuese seanca ku do të shqyrtohet ankimimi i Veliajt për shkarkimin e tij si kryebashkiak.

Gjykata Kushtetuese të shqyrtojë padinë e Veliajt kundër vendimit të kryeministrit për shkarkimin e tij nga detyra, si dhe dekretit përkatës të firmosur nga Presidenti Bajram Begaj. 

Gjykata Kushtetuese ka pezulluar zbatimin e këtij dekreti, në pritje të vendimit përfundimtar.

Përfaqësuesit ligjorë të Veliajt janë Ermal Yzeiraj dhe Alban Dokushi. 

Përfaqësuesit ligjorë nga Presidenca janë Hemion Braho, Ilirjan Rusmajli, Erjola Shia. 

Përfaqësuesit e Presidencës kërkuan që të anulohet vendimi për përfshirjen e dekretit në shqyrtimin e ditës së sotme.  

Nuk mund të shqyrtojë një akt administrativ, zgjedhjet në Tiranë u bllokuan duhet të kthehet kushtetueshmëria. Paraqesim kërkesën që të anuloni vendimin për përfshirjen e dekretit në këtë shqyrtim. Anuloni vendimin për përfshirjen e dekretit në lëndën e këtij shqyrtimi. 

Trupa gjykuese është tërhequr për të marrë vendim për kërkesën e përfaqësuesve të Presidencës.