Jair Bolsonaro fiton raundin e parë të zgjedhjeve në Brazil: Nuk do të moderojë retorikën për presidencën

Kandidati i të djathtës ekstreme, në Brazil Jair Bolsonaro, ka siguruar një fitore të jashtëzakonshme në raundin e parë të zgjedhjeve presidenciale të vend, por ka rënë pak nga shumica e kërkuar për të shmangur balotazhin e dytë..

Ai do të përballet me kandidatin e krahut të majtë nga Partia e Punëtorëve, Fernando Haddad, në raundin e dytë më 28 tetor, pasi ka dështuar të fitojë 50 për qind të votave të nevojshme për të triumfuar, shkruan BBC.

Pas pothuajse të gjitha votave të numëruara, Bolsonaro ka fituar 46 për qind të votave dhe Haddad 29 për qind.

"Javët e ardhshme do të jenë të çmendura. Vendi do të ndajë edhe më shumë, "parashikoi Monika de Bolle, drejtoreshë e Studimeve të Amerikës Latine në Universitetin Johns Hopkins.

Në sondazhet e kryera para mbajtjes së zgjedhjeve është parashikuar se kandidatët do të jenë në garë të ngushtë në rrethin e dytë.

Bolsonaro ka thënë se ai i sigurt që nëse nuk do të kishte pasur “probleme” në sistemin elektronik të votimit të përdorur në Brazil, ai do të ishte fitues.

“Jam i sigurt që nëse kjo nuk do të kishte ndodhur, ne do të dinim emrin e presidentit sonte”, është shprehur ai.

Megjithatë, ai nuk ka specifikuar se cilave “probleme” u është referuar.

Autoritetet zgjedhore në Brazil kanë thënë se procesi i votimit është zhvilluar paqësisht dhe pa ndonjë problem të madh.

Bolsonaro, katolik, ka fituar mbështetjen e shumë kishave, duke thënë se do të mbrojë vlerat e familjes, mirëpo ai po ashtu ka deklaruar se dëshiron të lehtësojë ligjet rreth armëve dhe ka thënë se synon të sjellë në fuqi ligjin për ndëshkim me vdekje.

Në një transmetim në prag të zgjedhjeve, Bolsonaro, kandidati 63-vjeçar i Partisë Social Liberale bëri jehonë Donald Trump me një thirrje për ndjekësit e tij të 7 milion Facebook: "Le ta bëjmë Brazilin të madh! Le të jemi krenarë për atdheun tonë!"

Bolsonaro,  këmbëngul se nuk do të moderojë retorikën e tij paqësore ose të bëhet një kandidat "paqeje dhe dashurie" ndërsa vazhdon rrugën e tij për t'u bërë udhëheqës i demokracisë më të madhe të Amerikës Latine.

Gjatë karrierës së tij 27-vjeçare si kongresmen, Bolsonaro është njohur për mendimin e tij ndaj homoseksualëve dhe indigjenëve të Brazilit, si dhe mbështetjen e tij për sundimin ushtarak.