Anëtari i Kryesisë së PD Belind Këlliçi tha në emisionin “Zonë e Lirë” që kryebashkiaku Erion Veliaj politikisht “është i mbaruar”.
Sipas tij, Rama bën sondazhe dhe s’e ka marrë ende vendimin nëse do ta godasë Veliaj para apo pas zgjedhjeve parlamentare.
Këlliçi shprehet se strategjia e Ramës është që ta zvogëlojë Veliajn në sytë e opinionit publik, “që kur ta flakë, ta flakë pa kosto”.
“Tani SPAK-u e ka marrëdhënien me Ramën. Rama është një njeri që bën sondazhe të rregullta. Veliaj është i mbaruar. Rama ende s’ka marrë vendim ta godasë Veliaj para zgjedhje apo pas zgjedhjeve, sepse që do goditet ka mbaruar. Rama kontrollon segmente të SPAK-ut. Po flasim juridikisht sepse politikisht Veliaj ka mbaruar. Rama si njeri që bën sondazhe, ende s’e ka ndarë kur do goditet Veliaj, para apo pas zgjedhjeve. SPAK-u është vegël, merr urdhra. Rama po e tkurr, po e zvogëlon Veliajn, po e diskretiton në sytë e opinionit publik, që kur ta flakë ta flakë pa kosto, sepse makenaria financiare që Veliaj ka instaluar në bashki prodhon pushtet të jashtëzakonshëm. Sot Veliaj del politikani më i urryer i gjithë trevave shqiptare dhe mund të goditet edhe para zgjedhjeve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
