Javën e ardhshme në Bled të Sllovenisë, Forumi Strategjik do të mbledhë liderët e Ballkanit Perëndimor. Të ndarë nga nisma e fundit, ajo për “Ballkanin e Hapur”, liderët e Kosovës, Maqedonisë së Veriut dhe Shqipërisë do të ulen në të njëjtin panel.
Kosova do të përfaqësohet nga kryeministri Kurti, Shqipëria nga kryeministri Edi Rama dhe Maqedonia e Veriut nga homologu Zoran Zaev.
Sipas programit të publikuar në faqen zyrtare të Forumit, këta tre të fundit do të jenë në të njëjtin panel së bashku me kryeministrin slloven, atë të Malit të Zi, të Polonisë, të Bullgarisë, të Bosnje Hercegovinës dhe me komisionerin për Zgjerimin, Oliver Varhelyi.
Forumi Strategjik i Bledit mbahet më 31 gusht deri më 2 shtator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
