Forcat spanjolle të sigurisë gjetën një pajisje të tretë shpërthyese të fshehur në një pako të dërguar me postë në bazën e forcave ajrore në Torrejon de Ardoz jashtë Madridit.
Ndërkohë dy pako bomba u gjetën të mërkurën, njëra drejtuar ambasadës ukrainase në Madrid dhe tjetra një prodhuesi armësh në Zaragoza, në veri të Spanjës.
Njëra prej pakove shpërtheu duke i shkaktuar lëndime të lehta një zyrtari ukrainas.
Kryeministri spanjoll, Pedro Sanchez deklaroi se baza ajrore Torrejon de Ardoz ka qenë marrëse e një pakoje me material shpërthyes brenda, përveç dy të dërguara dje në ambasadën e Ukrainës në Spanjë dhe një kompanie në Zaragoza, që prodhon material ushtarak.
Ishin sistemet e sigurisë së bazës ajrore ato që zbuluan një pako të dyshimtë mes orës 03:00 dhe 04:00 të mëngjesit të sotëm.
Pasi u analizua me rreze X, u konstatua se brenda pakos mund të kishte një lloj mekanizmi shpërthyes.
Ministria e Mbrojtjes deklaroi se nga pakoja nuk ka patur dëme as personale dhe as materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
