Shtetet e Bashkuara po vendosin tre shkatërrues me raketa të telekomanduara Aegis në ujërat pranë Venezuelës. Kjo lëvizje është pjesë e përpjekjeve të Presidentit Donald Trump për të luftuar kartelet e drogës në Amerikën Latine, bën me dije një zyrtar amerikan që ka informacione mbi planet.
Anijet USS Gravely, USS Jason Dunham dhe USS Sampson pritet të mbërrijnë së shpejti, tha zyrtari, i cili nuk ishte i autorizuar të komentonte dhe foli të martën në kushte anonimiteti.
Një zyrtar i Departamentit të Mbrojtjes konfirmoi se asetet ushtarake janë caktuar në rajon në mbështetje të përpjekjeve kundër narkotikëve. Zyrtari, i cili nuk ishte i autorizuar të komentonte rreth planifikimit ushtarak, tha se anijet do të dislokoheshin "gjatë disa muajve".
Vendosja e shkatërruesve dhe personelit amerikan vjen ndërsa Trump ka nxitur përdorimin e ushtrisë amerikane për të penguar kartelet që ai i fajëson për rrjedhën e fentanilit dhe drogave të tjera të paligjshme në komunitetet amerikane dhe për vazhdimin e dhunës në disa qytete të SHBA-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
