Pas tragjedisë së ndodhur në një hotel në Qerret të Kavajës, ku u gjetën të pajetë katër shtetas rusë, ka ardhur edhe reagimi i Ambasadës së Rusisë në Tiranë.
Në reagim e Ambasadës Ruse thuhet që pritet një hetim i plotë nga ana e Shqipërisë për të zbardhur shkaqet e vdekjeve.
REAGIMI
“Ambasada Ruse në Shqipëri konfirmon vdekjen e katër shtetasve rusë (Natalia Burenkova, Sergei Burenkov, Ekaterina Burenkova dhe Nikita Belousov) në një hotel pranë qytetit në Kavajë. Seksioni konsullor i Ambasadës është në kontakt të vazhdueshëm me agjencitë e zbatimit të ligjit të vendit dhe po sqaron rrethanat e incidentit. Ne mezi presim një hetim të plotë nga ana shqiptare për shkaqet e vdekjes së rusëve. Familjarët e viktimave janë njoftuar. Trupat do të riatdhesohen në vendlindjen e tyre.”
Tupat e katër turistëve rus, Natalia Burenkova, 58 vjeç, Sergei Burenkova, 60 vjeç dhe dhëndrit të tyre Nikita Belousov, 37 vjec e vajzës Ekaterina Burenkova, 31 vjeçe, ndodhen në morgun e mjekësisë ligjore në Tiranë.
Aktualisht janë marrë kampionët për analizimin e pranisë në gjak të drogës, alkoolit apo lëndëve helmuese dhe pritet që në fillim të javës të dalë ekspertiza paraprake e shkakut të vdekjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
