Rritja e çmimeve të fruta-perimeve në tregun vendas, duke nisur nga domatja, po ndjehet gjithnjë e më shumë nga konsumatorët.
Profesori i agrokulturës, Gjok Vuksani, në një analizë për “MCN Live”, evidenton dy faktorët kryesorë që kanë çuar në këtë situatë të vështirë për konsumatorët shqiptarë.
Problemi i parë lidhet me mungesën e prodhimit vendas si sasi.
Pra përmbytjet e përsëritura në zona si Berati dhe Fieri kanë ndikuar ndjeshëm në uljen e prodhimit bujqësor, duke e reduktuar atë me rreth 30% krahasuar me nivelet normale.
Si pasojë, oferta më e ulët në treg ka sjellë rritje të çmimeve, veçanërisht për perimet.
Faktori i dytë, është rritja e çmimit të naftës, e cila ndikon drejtpërdrejt jo vetëm në bujqësi, por në të gjithë ekonominë.
Sipas Vuksanit, qeveria duhet të marrë masa për reduktimin e kostove të shërbimit e jo ti heq skemën e mbështetjes për naftën.
Situata është rënduar edhe më shumë për fermerët, pasi është hequr skema e mbështetjes për naftën.
Qeveria duhet të kishte marrë masa për të ulur kostot e fermerëve, jo t’i rëndonte ato.
Heqja e skemës së mbështetjes për naftën i ka vendosur fermerët përballë dy vështirësive: rritjes së çmimit të karburantit dhe mungesës së mbështetjes financiare.
Pos kësaj janë rritur ndjeshëm edhe inputet bujqësore, si plehrat kimike, fidanët, produktet për mbrojtjen e bimëve dhe ushqyesit, me një rritje prej 30-40%.
Në këto kushte, fermerët përballen me kosto gjithnjë e më të larta prodhimi, të cilat në fund reflektohen në çmimet e tregut dhe përballohen nga konsumatorët shqiptarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
