Në Indonezi, një grua u gjet e vdekur në stomakun e një gjarpri i cili e hëngri të gjallë. Burri i 45-vjeçares Farida dhe banorët e fshatit Kalempang në provincën Sulawesi të Jugut e gjetën të shtunën brenda pitonit, një zvarranik rreth pesë metra i gjatë.
Gruaja, nënë e katër fëmijëve, ishte zhdukur të enjten në mbrëmje dhe nuk ishte kthyer në shtëpi, duke bërë që të nisin kërkimet, tha kryeplaku i fshatit Suardi Rosi.
Burri i viktimës i gjeti sendet e saj, gjë që e bëri që të dyshonte dhe që banorët e fshatit të nisnin kontrollin e zonës.
Ata panë një piton me bark të madh dhe në pas vendosën të hapnin stomakun e tij, ku u gjet trupi i Faridas.
Vitin e kaluar, banorët në rrethin Tinanggea të Sulawezit juglindor vranë një piton tetë metrash, i cili u gjet duke ngrënë një fermer në fshat.
Në vitin 2018, një grua 54-vjeçare u gjet e vdekur brenda një pitoni shtatë metra në qytetin Muna, Sulawesin Juglindor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
