Ende pa nisur mirë sezoni i plazhit në Vlorë, rikthehet një problematikë shumë e njohur për pushuesit: trafiku.
Pasditen e së dielës siç mund të shihni nga pamjet që sjell MCN TV, është shënuar trafik i rënduar nga zona e Radhimës deri në Ujin e Ftohtë.
Automjetet në radhë pas njëra tjetrës, mbipopullim dhe prani e turistëve të huaj që frekuentojnë jugun e vendit për pushime dhe për të kaluar fundjavën, kanë risjellë trafikun i cili është një fenomen prezent dhe shumë shqetësues çdo sezon veror.
Lidhur me këtë situatë drejtori i Policisë Rrugore, Altin Qato, foli për shtim të efektivëve në rrugë për përballimin e situatës.
Ai kërkoi mirëkuptimin e qytetarëve ndërsa paralajmëroi se masat administrative për shkelësit do të jenë të ashpra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
