Ambasadori i SHBA-ve në Prishtinë, Greg Delawie, thotë se nëse vendimi për Gjykatën Speciale shfuqizohet, atëherë Kosova do të shënonte një pikë kthese larg sundimit të ligjit, BE-së dhe SHBA-ve.
“Një vendim për revokimin e Gjykatës Speciale do të shënonte një pikë kthese larg sundimit të ligjit, Evropës dhe Shteteve të Bashkuara. Kosovë, mos e zgjidhni atë të ardhme për fëmijët tuaj!”, shkroi ai në “Tuiter”.
Mbrëmjen e së premtes, 43 deputetë kanë kërkuar shfuqizimin e Ligjit për Gjykatën Speciale, por kanë dështuar pasi Kryesia e Parlamentit s’ka pasur kuorum për të vazhduar procedurën më tutje. Kundër kësaj nisme kanë dalë LDK-ja e Vetëvendosja.
Ky reagim i Delawie-s vjen pas një shkrimi të sotëm të presidentit Thaçi, i cili i quajti spekulime paralajmërimet e ambasadorëve se Kosova po izolohet në rast se shfuqizon Gjykatën Speciale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
