Në një hap të ri kundër dezinformimit, Facebook ka bërë të ditur se do të verifikojë identitetin e përdoruesve që "kanë një model të sjelljes joautentike" në profilin e tyre, dhe postimet e të cilëve "shpejt fillojnë të bëhen viral (shumë të ndjekur) në Shtetet e Bashkuara". Nisma, e paralajmëruar nga menaxherët e Facebook, Anita Joseph dhe Michele Paselli, arrin disa muaj para zgjedhjeve presidenciale në SHBA.
Masa është vijim i nismës që filloi në vitin 2018, kur ndërmarrja Menlo Park filloi të verifikojë identitetin e menaxherëve të faqeve me një audiencë të madhe.
"Ne duam që njerëzit të ndjehen të sigurt se e kuptojnë se kush qëndron pas përmbajtjes që ata shohin në Facebook. Kjo është veçanërisht e rëndësishme kur bëhet fjalë për përmbajtjen që arrin te shumë njerëz," shpjegojnë Joseph dhe Paselli.
Kushdo që refuzon të verifikojë identitetin e tij, ose që rezulton të ketë një identitet joreal me profilin në Facebook, do të shohë përhapjen e postimeve të ulet, theksojnë menaxherët. Për më tepër, nëse personi në fjalë është administratori i një faqe në Facebook, ai / ajo do të duhet të kryejë procesin specifik të verifikimit në mënyrë që të publikojë postime të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
