Analisti Ben Andoni mendon se palët janë shumë larg një marrëveshje në këshillin politik. I ftuar në TvT gazetari Andoni më tej thotë se partitë e vogla nuk e kanë ende të qartë se çfarë po ndodh, duke rrezikuar kështu manipulimin e zgjedhjeve.
“Ndërmjet palëve ka hendeqe shumë të mëdha dhe mbi të gjitha ka shikime krejt të ndryshme për çështjet që ka paraqitur pozita. Mekanizmi i ri më shumë shton problematikën brenda partive dhe e dyta krijon vështirësi për administrimin zgjedhor. Kjo ka bërë që partitë e vogla si LSI të jenë të paqarta për atë që është sot te Këshilli Politik.
Gjithçka fshihet te detajet. Në ditën e zgjedhjeve kështu do të ketë probleme. Manipulimi i zgjedhjeve fillon që te militinatët, strukturat, para se të vijë data e votimit,”-thotë Andoni.
Më tej analisti deklaron se mosbesimi ka qenë elementi që e ka karakterizuar që në fillim këshillin politik, ndërsa sipas tij marrëveshja mund të gjendet vetëm me ndërhyrjen e të huajve.
“Humbja e madhe e besimit që e shoqëron të gjithë procesin që nga momenti që ka filluar kjo tryezë po manifestohet edhe ditën e sotme. Mendoj se ndërhyrja e huaj do bëj një lloj zgjidhje. Kjo është mundësia e vetme. OSBE-ODHIR mund t’i japë zgjidhje këtij hendeku.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
