Ndaj shefit të Policisë së Divjakës, Altin Shehu, që u denoncua sot për dhunë nga një aktiviste e PD-së, sipas presidentit Ilir Meta janë ngritur më herët 4 kallëzime.
Nisur nga kjo, kreu i shtetit thotë se ngjarja e rëndë mund të ishte parandaluar, ndërsa në faqen Krimizgjedhor.com “akuzat lidhen me përfshirje në aktivitet elektoral, të subjektit zgjedhor PS”.
“Shqipëria nesër në Referendum kundër dhunës dhe pro paqes e bashkëjetesës demokratike dhe vëllazërore, si shqiptarë dhe shtetas të barabartë para ligjit. Barazia e votës na garanton barazinë përpara ligjit.
Sovrani është nisur të marrë në duart e tij vullnetin, që ia tjetërsuan përmes dhunës. Me qetësi dhe vendosmëri t'i tregojmë Europës së Bashkuar se e meritojmë vendin tonë plotësisht si anëtarë me dinjitet dhe identitet.
Ngjarja e rëndë e ndodhur sot në Divjakë mund të ishte parandaluar nëse të katër kallëzimet do të ishin hetuar në kohë”, thuhet në postimin e Presidentit Meta.
Konflikti mësohet se ka nisur pak pasi Elsa Bita nisi një video live në Facebook, ku tregoheshin makinat e parkuara pranë një lokali, në Divjakë, ku thoshte se po bëhej një takim elektoral, i cili është i ndaluar në ditën e heshtjes zgjedhore.
Videoja e saj ndërpritet kur vjen me makinë shefi i policisë së zonës dhe i drejtohet ‘Çfarë problemi ke?’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
