Mesazhet e dhëna nga Edi Rama në takimin e Athinës nuk do të ndryshojnë asgjë në raportet thuajse të ngrira të qeverisë shqiptare me atë greke.
Raportuesja për Kosovën në Këshillin e Evropës, Dora Bakoyannis, e pyetur mbi tubimin e kryeministrit shqiptar me diasporën tha se për qeverinë greke të tilla organizime nuk kanë asnjë rëndësi. Sipas saj për zhbllokimin e situatës do të vlerësohet qëndrimi I Tiranës zyrtare për çështjen Beleri dhe respektimin e të drejtave të minoritetit grek.
Ish-ministrja e jashtme greke komentoi edhe ndikimin që zoti Rama mund të ketë mbi votuesit shqiptarë në Greqi, nisur nga zërat që e lidhën takimin e Athinës me zgjedhjet europarlamentare të 9 Qershorit, ku kandidat në listat e Demokracisë së Re është edhe Fredi Beleri, kryebashkiaku i zgjedhur i Himarës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
