Ish presidenti i Gjeorgjisë, Mikheil Saakashvilli i cili u arrestua pak ditë më parë në Ukrainë, ka filluar një grevë urie.
Këtë gjë e ka bërë të ditur vetë avokati i Saakashvillit, i cili përmes një letre ka treguar se ish-presidenti i Gjeorgjisë u ka bërë thirrje mbështetësve të tij të protestojnë në Kiev më 10 dhjetor dhe të kërkojnë shkarkimin e presidentit Petro Poroshenko.
Zyrtarët ukrainas e kanë akuzuar Saakashvilin për mbështetjen e një “grupi kriminal” të dyshuar, që është udhëhequr nga ish presidenti, Viktor Yanukoych, i cili ka ikur në Rusi më 2014.
Saakashvili i ka hedhur poshtë akuzat dhe ditën e premte kur policia e arrestoi në kryeqytetin e Ukrainës ai rezistoi duke kërcënuar disa herë se do të hidhej nga ndërtesa.
Nga dita që ai është arrestuar qindra përkrahës kanë demostruar duke kërkuar lirimin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
