Zjarri në Zhamë të Lushnjës/ Forcat e Armatosura ndërhyjnë bashkë me zjarrfikësit

 Vatra e zjarrit në fshatin Zhamë në Lushnje vijojnë të jetë aktive edhe sot.

Për shkak të terrenit të vështirë raportohet se ndërhyrja nuk është kryer, por në terren janë forcat zjarrfikëse.

Ministria e Mbrojtjes njofton se kanë ndërhyre edhe efektivët e Batalionit të tretë të Këmbësorisë të Forcës Tokësore.

Efektivët e Batalionit të tretë të Këmbësorisë të Forcës Tokësore, i janë bashkuar forcave zjarrfikëse të Lushnjes, Fierit, Divjakës, Roskovecit, Beratit dhe kompanisë Albpetrol në operacionin e fikjes së zjarrit masiv të rënë në kodrat e fshatit Zhamë të Lushnjes.

Policia e Lushnjës ndërkohë ka vënë në pranga një 58-vjeçar me iniciale R.Z pasi dyshohet se duke djegur mbeturinat, flakët janë përhapur në sipërfaqe të mëdha me ullinj dhe shkurre.