Në Kosovë po hartohet një ligj për pagat. Ky i fundit pritet të votohet në Parlament më 31 dhjetor. Javët e fundit, në Kosovë janë shtuar kërkesat për rritje pagash në sektorë të ndryshëm. Mjekët dhe mësuesit ishin të parët që kërkuan rritje pagash, duke kërcënuar me greva. Edhe minatorët e Trepçës iu bashkuan pak më vonë.
Në një takim me minatorët sot në Mitrovicë, kryeministri Ramush Haradinaj tha se në kuadër të këtij ligji që po hartohet, i pari pasi Kosova nuk ka pasur një ligj për pagat, ai ka kërkuar që të ulet paga e tij.
“Kam kërkuar prej këtyre që e bëjnë ligjin, që të ulin vetëm një pagë: atë të kryeministrit. U kam kërkuar të mos prekin asnjë pagë që paguhet prej publikut. Kryeministrit po, i takon ta ulë. Kam kërkuar që në të gjithë sektorët të ketë rritje pagash, kostoja shtesë do të jetë 80 milionë euro”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
