Drejtuesja e Departamentit për Politikat me Jashtë në Partinë Demokratike, Ilda Zhulali hedhjen për konsultim publik të draftit të ri për Shërbimin e Jashtëm diplomatik, ku theksohet se qëllimi i tij është rregullimi i disa problematikave të hasura nga aplikimi i ligjit aktual me synim për t’u përshtatur interesave të kohës, e cilëson si farsë.
Duke folur për “MCN Informacion”, Zhulali deklaroi se ligji për marrëdhëniet me jashtë i propozuar nga Ministria e Punëve të Jashtme, nuk është tërësisht i ri.
Ajo kujtoi se për herë të fundit ligji për shërbimin e jashtëm është ndryshuar po nga kjo qeveri në vitin 2015, kur u tha se do reformohej i gjithë sistemi me një trupë profesionale më të zhdërvjellët e cila do përfaqësonin më mirë interesat e shqiptarëve.
Zhulali ngre pikëpyetje se çfarë ndodhi me atë ligj që duhet ta ndryshojmë sërish në 2024 dhe se i njëjti relacion që shoqëronte ligjin në vitin 2015, është i njëjti që shoqëron dhe për ligjin në vitin 2024.
I gjithë ky proces është një proces farsë, se po të njëjtat argumente shoqërojnë dhe ligjin tani.
Një nga argumentet ishte mandati i ambasadorit, dikur ka qenë mandat 4 vjeçar.
Madje kishte dhe një klauzolë që një ambasador nuk mund të ushtrojë më shumë se dy mandate në një vend, në 2015 u hoq ky kushtëzim për numrin e mandateve dhe u zvogëlua numri i viteve nga 4 në 3 vite.
Kjo nuk ishte gjëja më e zgjuar për tu bërë për një diplomat.
Ne nuk kemi mundësinë e duhur ekonomike për ta përballuar koston e kësaj lëvizje çdo tre vite dhe me kushtet që ka Shqipëria nuk i plotëson dot.
Kjo lëvizje është për vende shumë të zhvilluara si SHBA, u bë një ndryshim sa për të thënë që u bë një ndryshim.
Nga 3 vite, nuk ka asnjë rast të vetëm që është respektuar ky afat. Shumica e ambasadorëve kanë mbi 12 vite në detyrë.
Nuk ka një praktikë të tillë asnjë vend, kjo ndodh vetëm në Shqipëri. Ky ligj nuk ndryshon asgjë.
Duhej zgjedhur një diplomat aq i pazëvendësueshëm që të ishte i aftë të rrinte aty aq gjatë.
Por ti e ke për të gjithë ambasadorët dhe ke vendosur aty ata individë që të shërbejnë për interesat e tua politike.
Argumenti më i shëndoshë për të përmirësuar diplomacinë e karrierës, kur një diplomat shkëputet për kaq vite nga vendi i tij, e humb kontaktin me realitetin se nuk e di më kë vend përfaqëson, vendin nga vjen apo vendin ku ushtron detyrën.
Dikur kishte një kufizim për numrin e diplomatëve që emëroheshin jashtë sistemit të karrierës, shkencëtarë, shkrimtarë, që kërkon ti promovosh si individë por duke përfituar ti nga fama e këtyre njerëzve.
Nuk mund të merrje më shumë se 20% nga ky kontigjent. Në 2015 u hoq fare ky tavan.
Kjo bëri që të demotivohen diplomatët brenda sistemit të karrierës, ti nuk merr dot një gradë më të lartë dhe ndihesh i demotivuar për ti shërbyet vendit.
E vetmja mënyrë për të ecur është që ti shërbesh partisë, kryeministrit, ministrit dhe jo vendit tënd.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
