Një korridor thelbësor ndihme midis Egjiptit dhe Gazës jugore në pikën kufitare Rafah, mund të hapet që sot për të lejuar në Gaza furnizimet shumë të nevojshme.
Por Mohsen Sarhan, shefi ekzekutiv i Bankës Egjiptiane të Ushqimit, i tha BBC-së se shpërndarja e ndihmave mund të pengohet nëse vazhdojnë bombardimet intensive në vendkalimin Rafah.
“Ajo që na pengon të hyjmë është bombardimi me tapet i të gjithë pjesës së Gazës nga ushtria izraelite. Ne jemi të vendosur në kufi tani për tetë ditë dhe bombat po bien çdo minutë,” tha ai për programin Newsday të BBC-së.
“Ata po bombardonin edhe një tokë ku nuk ka kafshë, as njerëz. Ne jemi të gatshëm të hyjmë, por autoritetet egjiptiane nuk do të na lënë të hyjmë, përveç nëse garantojnë se nuk do të vritemi menjëherë”.
Ndërkohë me ndërprerje të plotë të energjisë elektrike për të nëntën ditë radhazi, furnizimet me ushqim dhe ujë po pakësohen dhe spitalet në prag të kolapsit, vëmendja është në pikën kritike kufitare të Rafahut.
Megjithatë, kalimi Rafah nuk pritet të hapet të premten për një kolonë prej 20 kamionësh ndihmash për të hyrë në Gaza nga Egjipti, thanë burime të shumta për CNN.
Zyrtarët amerikanë presin tani kolonën e parë këtë fundjavë. Ndërkohë, autoritetet egjiptiane të enjten filluan heqjen e blloqeve të çimentos në hyrje të vendkalimit, duke u përgatitur për hapjen e tij, thanë disa shoferë atje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
