Viti 2022 premton të jetë një vit plot me evente astronomike që nuk duhen humbur.
Hëna dhe Dielli do të japin shfaqje në qiell, duke ofruar katër eklipse spektakolare, dy prej të cilave janë të dukshme edhe nga Europa. Do të ketë gjithashtu shira të bollshëm meteorësh dhe madje një paradë të pazakontë planetësh në fillim të verës. Astrofizikani Gianluca Masi, drejtor shkencor i Projektit Virtual Telescope, tregon për ANSA datat kur do t’i shohim këto evente.
Viti do të hapet me shiun e meteorëve të Kuadrantideve, "i cili do të arrijë kulmin midis 3 dhe 4 janarit", shpjegon eksperti.
Më 30 prill do të kemi eklipsin e parë të pjesshëm të Diellit, i dukshëm nga pjesa më jugore e Amerikës së Jugut dhe Paqësorit juglindor. Me fat do të jenë argjentinasit, të cilët do të mund të shohin Diellit të reduktohet në gjysmën e tij.
“Më 16 maj do të jetë radha e eklipsit total të Hënës, i cili nga Italia do të shihet vetëm pjesërisht në agim”, kujton Masi. Hëna e parë e kuqe e vitit do të shihet plotësisht nga Amerika dhe pjesërisht nga pjesa perëndimore e Evropës dhe Afrikës.
Vera 2022 do të përshëndetet me një paradë planetësh. “Midis 20 dhe 27 qershorit do të jetë e mundur të vëzhgohen pesë planetët e dukshëm me sy të lirë të rreshtuar: Mërkuri, Venusi, Marsi, Jupiteri dhe Saturni”, vëren Masi. Ata mund të admirohen së bashku me Hënën, e cila do të jetë sërish protagonistja kryesore më 13 korrik me Superhënën më spektakolare të vitit: ajo në fakt do të jetë e plotë në një distancë prej 'vetëm' 357 000 kilometra nga Toka.
Nata e 15 gushtit do ta vendosë Saturnin përballë Diellit, pra në kushtet më të mira të vëzhgueshmërisë, ndërsa planeti tjetër gjigant, Jupiteri, do të ngjitet në skenë duke shkuar në të kundërt më 26 shtator.
Vjeshta do të shënohet nga dy eklipset e fundit të vitit. “Më 25 tetor – saktëson Masi – do të ketë një eklips të pjesshëm të Diellit, i dukshëm edhe nga Italia me mbulim të diskut diellor nga 10% në 25%, ndërsa më 8 nëntor do të ketë një tjetër eklips total të Hënës, fatkeqësisht i padukshëm nga Europa”.
Në dhjetor qielli do të vishet me shiun e shndritshëm të Binjakëve, ndërsa më 8 dhjetor do të ketë Marsin si protagonist të madh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
