Arkitekti i mirënjohur Vittorio Gregotti vdiq këtë mëngjes në Milano. Ai ishte 92 vjeç dhe i shtruar në spital për pneumoni. Lajmi u postua në Facebook nga Stefano Boeri, presidenti i Triennale.
Boeri, duke kujtuar arkitektin Gregotti, tha se ai ishte një "një eseist, kritik, mësues, editorialist, polemicist, njeri i institucioneve, duke mbetur mbi të gjitha një arkitekt, bëri historinë e kulturës sonë. Konceptimi i tij për arkitekturën u shtri në të gjithë tërë botën. Trishtim i madh".
Gregotti lindi në Novara në vitin 1927 dhe u diplomua për arkitekturë më 1952 në Politeknikun e Milanos. Nga viti 1953 deri në 1968, ai zhvilloi veprimtarinë e tij në bashkëpunim me Ludovico Meneghetti dhe Giotto Stoppino.
Më 1974, ai ishte themeluesi dhe u bë presidenti i Gregotti Associati. Ai ishte gjithashtu profesor në Institutin Universitar të Arkitekturës në Venecia e dha mësim në Fakultetet e Arkitekturës në Milano dhe Palermo.
Gjatë veprimtarisë së tij akademike, ai ishte gjithashtu profesor në Universitetet e Tokios, Buenos Aires, Sao Paulo, Lausanne, Harvard, Philadelphia, Princeton, Cambridge (U.K.) dhe në I.I.T. të Kembrixhit (Mass.).
Punët e tij të shumta përfshijnë, për shembull, riorganizimin e Potsdamer Platz në Berlin, projektet e Teatrit Arcimboldi në Milano, Teatrin e Madh Kombëtar i Pekinit, Kishën e San Massimiliano Kolbe, në Bergamo. Një faqe u hap në "Facebook" në kujtim të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
