Vizita e Von der Leyen/ Ekspertët Muça e Xhaxhiu: Një mesazh i qartë se integrimi europian do të vijojë bazuar vetëm mbi meritat

Mesazhet e përcjella nga Presidentja e Komisionit Europian, Ursula von der Leyen, gjatë vizitës së saj zyrtare në Tiranë shënojnë një hap me rëndësi të veçantë për rrugëtimin dhe ecurinë e mëtejshme të integrimit të Shqipërisë në BE.

Në një analizë për “MCN live”, ekspertët e njohur të integrimit, Ermelinda Muça dhe Genti Xhaxhiu, vlerësuan peshën e kësaj vizite. 

Ata nënvizuan se ajo mbart një domethënie të madhe për realitetin e sotëm shqiptar, sidomos në kontekstin e zhvillimeve politike të brendshme dhe stabilitetit rajonal të sigurisë.

Muça:

Këtë herë turi filloi me Shqipërinë, sot në Kosovë, Malin e Zi dhe duke përfunduar në Maqedoninë e Veriut. 

 

Takimi i djeshëm përcolli disa mesazhe kryesore sa i takon ecurisë së integrimit europian në Shqipëri, sa i përket edhe fillimit të vetë procesit. 

 

Përcolli disa mesazhe për ecurinë e Shqipërisë në integrimin në BE. 

 

Gjatë fjalimit të presidentes u bë e qartë që procesi do të vazhdojë të jetë i bazuar në merita. 

Procesi i integrimit do të vazhdojë sipas meritave. 

 

Nga ana tjetër, eksperti Genti Xhaxhiu plotësoi kuadrin e analizës duke theksuar se kjo vizitë vjen në një moment kyç kur Shqipëria kërkon të konkretizojë reformat kyçe shtetformuese, veçanërisht ato që lidhen me sundimin e ligjit dhe reformat në drejtësi, të cilat mbeten kushtet kryesore të vendosura nga Brukseli.

Në fakt vizita e presidentes është vizitë rutinë. 

Për Tiranën kishte rëndësi se vjen në kohën e turbulencës politike në çështjet e nxehta të drejtësisë, por duke parë se shefja e Brukselit nuk priti të futet në kontekste lidhur me aktualitetin në Shqipëri, por u mjaftua me vijimin e reformave. 

 

Nga Tirana ajo shpalli yllin polar, që është integrimi, që pa të rikthimi i Shqipërisë do të ishte pa gjetur. Për Tiranën vizita e presidentes ishte e rëndësishme për shkak të aktualitetit. 

 

Vizitë rutinë, por specifisht e rëndësishme për realitetin shqiptar se kujtoi nevojën e vijimit me dorë të hekurt të sektorit të drejtësisë, prokurorisë.

 

 Megjithatë vizita ka një rëndësi për qeverinë, se mori mbështetjen dhe lëvdatat nga presidentja e Komisionit pasi rikonfirmoi Shqipërinë për pole position. 

Vizitë rutinë, por e rëndësishme për realitetin shqiptar, se kujtoi vijimin me dorë të hekurt të drejtësisë.