Mikhail Gorbachev, presidenti i fundit i Bashkimit Sovjetik është ndarë nga jeta në moshën 91-vjeçare. Lajmi është raportuar nga agjencia ruse “Interfax”, ndërsa Gorbachev është i njohur për përfundimin e Luftës së Ftohtë pa gjakderdhje, por nuk arriti të parandalonte shpërbërjen e Bashkimit Sovjetik.
Ai bëri marrëveshje për reduktimin e armëve me SHBA-në dhe partneritete me fuqitë perëndimore për të hequr perden e hekurt që ndante Evropën që nga Lufta e Dytë Botërore dhe për të sjellë ribashkimin e Gjermanisë.
Kur protestat pro-demokracisë përfshinë vendet e bllokut sovjetik të Evropës Lindore komuniste në vitin 1989, ai u përmbajt nga përdorimi i forcës.
Sjellja e tij ishte ndryshe nga udhëheqësit e mëparshëm të Kremlinit, të cilët dërguan tanke për të shtypur kryengritjet në Hungari në 1956 dhe Çekosllovaki në 1968. Por demonstratat nxitën aspiratat për autonomi në 15 republikat e Bashkimit Sovjetik, të cilat u shpërbënë gjatë dy viteve të ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
