Një person është vënë në prangat e policisë së Fushë Krujës, ndërsa djali i tij është shpallur në kërkim, pasi kishin mbjellë kanabis në shtëpinë e tij.
Specialistët për Hetimin e Krimeve të Komisariatit të Policisë Krujë arrestuan në flagrancë shtetasin K. D., 75 vjeç, banues në Fushë Krujë, si dhe referuan materialet në Prokurori e u bë shpallja në kërkim e shtetasit A. D., 45 vjeç, djali i 75-vjeçarit.
Gjithçka, pasi gjatë kontrollit që shërbimet e policisë ushtruan në oborrin e banesës së këtyre shtetasve, u gjetën dhe u asgjësuan bimë të dyshuar narkotike kanabis sativa.
Vijon puna për kapjen e 45-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
