Punonte në fabrikë dhe shiste heroinë në Itali, kapet Tajsoni shqiptar

Një 42-vjeçar shqiptar u arrestua në Itali sapo i kishte dorëzuar një blerësi një dozë heroine.

Policia e Vicenza-s e vuri në pranga në momentin kur po shkëmbente dozën me paratë, për të dokumentuar përfshirjen e tij në tregtinë e narkotikëve.

I njohur si “Gazi” apo “Tyson”, Gazmir Moku  ishte hetuar për të njëjtat akuza 10 vjet më parë, por kishte dalë i pafajshëm.

I dyshuari ishte mbajtur nën vëzhgim për disa kohë, sepse konsiderohej si qendra e tregut të heroinës.

Gjatë kontrollit, pas arrestimit  iu gjetën edhe 18 doza heroinë, e cila do të hidhej në treg brenda disa orësh. Ndërsa në dollapin e tij personal në fabrikën ku punonte, policia gjeti edhe 20 mijë euro të fshehura.