Kthjellime dhe vranësira, parashikimi i motit për sot

Ditën e martë, vendi ynë do të jetë nën ndikimin e kushteve atmosferike relativisht të qëndrueshme.

Sipas parashikimeve meteorologjike, moti do të karakterizohet nga kthjellime dhe vranësira të herëpashershme mesatare deri të dendura, kryesisht në zonat malore të lindjes dhe jugut të vendit.

Nga mesdita deri në orët e pasdites priten reshje të dobëta dhe të përkohshme shiu në zonat kodrinore dhe malore. Në relievet malore të lindjes dhe në malësitë e jugut, reshjet mund të shoqërohen herë pas here me shtrëngata afatshkurtra.

Era do të fryjë me drejtim jugperëndim-veriperëndim, me shpejtësi mesatare rreth 10 m/s. Ndërkohë, në detet Adriatik dhe Jon valëzimi parashikohet të jetë i forcës 2 deri në 3 ballë.