Edhe pse një vit i trazuar, 2020 nuk rëndoi mbi aktivitetin e shtëpive të ankandeve, të cilat u përshtatën shpejt me ndryshimet që imponoi Covid-19. Christie's, Sotheby's dhe Phillips kaluan te shitjet hibride me transmetim të drejtpërdrejtë, gjatë të cilave një mori kryeveprash arritën çmime marramendëse.
Shenjat e suksesit në ato shitje u ndien që herët. Sotheby’s udhëhoqi paketën me një shitje të madhe në mbrëmje në qershor; një triptik i Francis Bacon ishte ndër shitjet më të mira. Dy javë më vonë, në korrik, Christie’s organizoi ankandin e saj në stilin stafetë "ONE", i cili solli në treg vepra të mëdha nga Roy Lichtenstein, Gerhard Richter etj.
Më poshtë, lista e veprave të artit me çmimin më të madh:
Gerhard Richter, Abstraktes Bild (1987)
Në tetor, piktura e Richter Abstraktes Bild (649-2) e vitit 1987, nga koleksioni i Ronald Perelman, u shit për 27.6 milionë dollarë në Sotheby's Hong Kong, duke shënuar një rekord të ri. Tani është vepra më e shtrenjtë nga një artist perëndimor që është shitur ndonjëherë në një ankand aziatik. Blerësi ishte Muzeu i Artit Pola në Hakone, Japoni.
Joan Miró, Femme au chapeau rouge (1927)
Femme au chapeau rouge nga Joan Miró (1927) ka qenë në pronësi të Alexander Calder dhe doli në ankand për herë të parë që nga 1966. Vepra u shit për 28,7 milion dollarë pas një lufte 11 minutëshe ofertash, duke goditur midis vlerësimit të saj prej $ 20 milion - $ 30 milion.
Clyfford Still, PH-144 (1947)
Piktura u shit për 28,7 milion dollarë me tarifat dhe blerjet në Neë York gjatë shitjes në transmetim të drejtpërdrejtë. Shumica e veprave të Still janë në koleksionin e Muzeut Still në Denver, megjithatë veprat kryesore mbeten në duar të koleksionistëve privatë. Një shembull i ngjashëm nga artisti, 1949-A-Nr. 1, vendosi rekordin e artistit në 61.8 milion dollarë në Sotheby's në 2011.
Pablo Picasso, Les femmes d’Alger (1955)
Në korrik, si pjesë e ankandit të tij një-ditor, Christie's shiti pikturën e Pablo Picassos “Les femmes d'Alger”, 1955, për 29.2 milion dollarë, duke tejkaluar vlerësimin e tij prej 25 milion $. Picasso e pikturoi veprën si pjesë e serisë me 15 kanavaca që ai përfundoi midis dhjetorit 1954 dhe shkurt 1955, të gjitha bazuar në kryeveprën e Eugène Delacroix “Les femmes d’Alger”. Koleksionistët e Nju Jorkut Victor dhe Sally Ganz e blenë serinë e plotë nga tregtari i Parisit, Galerie Louise Leiris në vitet 1950.
Barnett Newman, Onement V (1948)
Në përmasa të mëdha, piktura në kanavacë në ngjyrë të thellë blu është e ndarë në mes me një "zip", një motiv që artisti e zhvilloi në vitet 1940. Piktura u shit te një ofertues që përmes telefonit e bleu për 30.9 milion dollarë.
Brice Marden, Complements (2004–07)
Kur koleksionisti Donald Marron vdiq në 2019, shumë njerëz menduan se ku do të shkonte koleksioni i tij. Një pikturë abstrakte nga Brice Marden mbërriti në Christie’s dhe u shit për 30.9 milion dollarë. Kjo solli një rekord të ri ankandi për Marden, më shumë sesa trefishimi i historikut të mëparshëm të artistit prej 10.9 milion dollarë, i cili ishte paguar për kanavacën e tij me shirit Numri 2, në Sotheby, në nëntor 2019.
Mark Rothko, Untitled (1967)
Në tetor, në shitjen e mbrëmjes së artit të shekullit XX në Christie në Nju Jork, një pikturë e thellë gështenjë nga Mark Rothko ishte një nga veprat kryesore të shitura nga investitori miliarder Ronald Perelman, i cili likuidoi një pjesë të madhe të koleksionit.Piktura u shit për 30 milionë dollarë.
‘Stan’ (67 milion vjeç)
Në tetor, krahas veprave nga Paul Cézanne, Pablo Picasso etj., Christie’s solli një skelet monumental të Tyrannosaurus rex 67 milion vjeçar me emrin "Stan" në një shitje të artit impresionist, modern dhe bashkëkohor. Pas një periudhe oferte 10 minutëshe, ajo u shit për 32 milionë dollarë. Çmimi tejkaloi rekordin e 8.4 milion dollarëve për një skelet T-rex të vendosur në Sotheby në 1997 për shitjen e një dinosauri me emrin "Sue", i cili u ble nga i njëjti shitës, Instituti i Kërkimeve Gjeologjike Black Hills në Dakota e Jugut.
Sanyu, Quatre Nus (vitet 1950)
Në korrik, piktura Quatre Nus e mjeshtrit kinez-francez Sanyu, që paraqet katër gra të zhveshura, u shit për 33.3 milion dollarë amerikanë në shitjen e artit modern Sotheby në Hong Kong, duke çimentuar më tej mbretërimin e artistit në ankandet e Azisë.
Cy Twombly, Untitled (Bolsena) (1969)
Pikturat nga seritë "Bolsena" gjenden në koleksionet kryesore të muzeut në Galerinë Kombëtare të Arteve në Uashington, D.C., deri te Pinakothek der Moderne në Mynih dhe pritshmëria ishte e lartë për pikturën përpara ankandit. Piktura u shit për 38,7 milion dollar. Ajo vinte nga koleksioni i miliarderit Ronald Perelman, i cili e bleu pikturën nga Gagosian në 1992 pasi doli për shitje në Sotheby’s në maj të atij viti nga Koleksioni Saatchi i Londrës.
David Hockney, Nichols Canyon (1980)
Në fillim të dhjetorit, shitja në mbrëmje e artit bashkëkohor të Phillips në Neë York solli një total prej $ 134.6 milion, duke shënuar totalin më të lartë të arritur ndonjëherë për një shitje në mbrëmje në historinë e shtëpisë së ankandeve. Ndër veprat që e bënë të mundur atë rekord ishte piktura e David Hockney Nichols Canyon (1980), e cila paraqet një pamje të peizazhit pranë ish-shtëpisë së artistit në Kaliforni. Vepra u shit për $ 41 milionë, duke vendosur një rekord për një peizazh nga artisti britanik.
Ren Renfa, “Pesë princër të dehur që kthehen mbi kalë” (Shekulli 13 – Shekulli 14)
Në tetor në Hong Kong, një vepër klasike e rrallë kineze arriti një çmim rekord në Sotheby’s. Një pikturë 700-vjeçare nga piktori kinez dhe zyrtari i qeverisë Ren Renfa me titull “Pesë princër të dehur kthehen me kale” u shit për 41.8 milion dollarë.
Roy Lichtenstein, Nudo në pikturë të gëzueshme (1994)
Në korrik, shitja e Christie grumbulloi 420 milion dollarë dhe një nga veprat që kryesonte atë ankand ishte ajo e Roy Lichtenstein me “Nudo në pikturë të gëzuar” (1994). Pas një lufte të hapur ofertash midis klientëve konkurrues në Hong Kong dhe Nju Jork, kryevepra e artit Pop iu shit për 46.2 milion dollarë një ofertuesi aziatik.
Dhjetë pamje të shkëmbit Lingbi (rreth 1610)
Në tetor, Ankandi Polifonik i Pekinit shiti një dorëshkrim të rrallë kinez për 446 milion RMB pas një oferte të ashpër që zgjati gati një orë. Çmimi përfundimtar arriti në 78,4 milion dollarë, duke e bërë atë pikturën më të shtrenjtë klasike kineze të shitur ndonjëherë në ankand dhe duke thyer rekordin e ankandit për një antik kinez. Vepra u ble nga një piktor amerikan.
Francis Bacon, Triptik Frymëzuar nga Orestia e Eskilit (1981)
Në qershor, Sotheby's shiti pikturën e Francis Bacon për një çmim prej 74 milion dollarë. Vepra monumentale, e cila mbështetet në një trilogji të tragjedive greke që datojnë që nga shekulli V p.e.s., erdhi nga koleksioni i koleksionistit norvegjez Hans Rasmus Astrup, i cili e bleu atë në 1984; ai e kishte shitur atë për të mbledhur fonde për fondacionin e tij privat, Astrup Fearnley Museet në Oslo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
