Efektivët e Policisë së Mallakastrës kanë rënë në gjurmët e vrasësit të 73-vjeçarit me iniciale Q. M, duke bërë të mundur kapjen e tij, pas disa orë kërkimesh të pandërprera.
Forcat e Policisë së Komisariatit Mallakastër dhe ato të Drejtorisë Vendore të Policisë Fier, bënë të mundur kapjen dhe arrestimin në flagrancë të shtetasit M. M., 37 vjeç.
37-vjeçari vrau mbrëmjen e 25 gushtit me sende të forta babain e tij.
Sipas informacioneve paraprake dyshohet se i riu vuan nga probleme të shëndetit mendor.
Njoftimi Mallakastër
Kapet autori i ngjarjes së ndodhur në Greshicë të Mallakastrës, ku mbeti i vrarë nga djali i tij, 73-vjeçari Q. M.
Pas disa orë kërkimesh të pandërprera nga forcat e Policisë së Komisariatit Mallakastër dhe ato të Drejtorisë Vendore të Policisë Fier, u bë e mundur kapja dhe arrestimi në flagrancë i shtetasit M. M., 37 vjeç, i cili vrau me sende të forta babain e tij, shtetasin Q. M.
Materialet do i kalojnë Prokurorisë, për veprime të mëtejshme procedurale, për veprën penale "Vrasja, në rrethana të tjera cilësuese".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
