Në kërkim për kultivim droge nga drejtësia spanjolle, kapet në Tiranë për t’u ekstraduar

Një person i kërkuar nga drejtësia spanjolle për kultivim të bimëve narkotike, është kapur në Tiranë me qëllim ekstradimin në Spanjë. 

Në vijim të operacioneve për lokalizimin, kapjen dhe ndalimin e shtetasve të shpallur në kërkim, bazuar dhe në informacionet e siguruara në rrugë operative, u finalizua operacioni i koduar “Operacionalja 76”, gjatë të cilit u arrestua i shpalluri në kërkim ndërkombëtar Gjergji Ceka alias Gjergji Kola, 37 vjeç, banues në Tiranë. 

37-vjeçari ishte shpallur në kërkim ndërkombëtar pasi Gykata e Malagës, Spanjë, me vendimin e datës 14 nëntor 2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”. 

Interpol Tirana, në bashkëpunim me Interpol Madridin, do të kryejë procedurat për ekstradimin e këtij shtetasi.