Salianji: Basha, pas zgjedhjeve lokale do të formalizojë partinë e tij, por po kërkon të mbaj vulën dhe siglën e PD

Situata në PD, vazhdon te jetë e nderë dhe ende pa zgjidhje mes palëve.

Deputeti i PD-së, Ervin Salianji, i ftuar në emisionin “Të paekspozuarit” në MCN tv, tha sot se në vetvete PD vazhdon të jetë e ndarë si në dy parti ose dy interesa.

Salianji bëri të ditur se Lulzim Basha, mësohet se po formalizon partinë e tij, dhe të njëjtën do ta bëj pas zgjedhjeve lokale të 14 majit.

Këtu janë dy parti, dy interesa të ndryshme, në njërën anë, Sali Berisha, që ka marrë shumicën dhe një parti që po formalizohet tashmë, Basha që po përpiqet që pas zgjedhjeve lokale të bëj parti,

Ajo që unë mendoj se është e padrejtë që bëhet me mbështetjen e qeverisë, që bëhet me kulisa, që tentohet të mbahet një gjë që nuk i takon, që është vula dhe sigla. Nëse do të bësh parti, dil bëje, por siglën, vulën e kontributin e kësaj partie, nuk ti jep Rama.