Pikërisht një javë pasi që publikoi fotografinë e parë nga Kosova, e përditshmja më e madhe në botë, New York Times dje sërish e ka prezantuar Kosovën si destinacion për t’u vizituar.
Në fotografinë e re të publikuar nga New York Times Travel në rrjetin social Instagram, shihen bjeshkët e Deçanit apo siç njihen ndryshe këto vargmale, Alpet Shqiptare, shkruan lajmi.net.
“DaviLlasana (Danielle Villasana) e ka kapur këtë fotografi gjatë udhëtimit për në Manastirin e Deçanit në Kosovë #kosovo #monasteries #travel”, shkruan nytimestravel.
Dhe vetëm brenda një orë pas publikimit, kjo fotografi ka marrë rreth 1100 pëlqime (like).
Javën e kaluar, Nytimestravel publikoi një fotografi nga Manastiri i Deçanit, ku bënte thirrje për të vizituar Kosovën dhe për t’u njohur me bukuritë që ajo ofron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
