Apeli i Gjykatës kundër Korrupsionit dhe Krimit të Organizuar ka lënë në fuqi masën “detyrim paraqitje” për ish-Kryeministrin Sali Berisha si dhe ndalimin për të dalë jashtë vendit.
Vendimi u dha në seancën e sotme, ndërkohë që Sali Berisha akuzohet për kryerjen e veprës penale “Korrupsioni pasiv i funksionarëve të lartë shtetërore ose të zgjedhurve vendorë, kryer në bashkëpunim.
Tre ditë më parë, Apeli i GJKKO ndryshoi masën e sigurisë për dhëndrin e Berishës, ku Jamarbër Malltezi në vijim të hetimeve do të qëndrojë në “arrest shtëpie”.
Jamarbër Malltezi akuzohet për veprat penale “Korrupsioni pasiv i funksionarëve të lartë shtetërore ose të zgjedhurve vendore”, kryer në bashkëpunim, dhe “Pastrimi i produkteve të veprës penale ose veprimtarisë kriminale”, kryer në bashkëpunim, për çështjen e privatizimit të ish-kompleksit “Partizani”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
