Nuk ka rrezik për probleme të frymëmarrjes për fëmijët që mbajnë maska kirurgjikale, madje edhe për ata më të vegjëlit. Përdorimi i këtyre pajisjeve për të parandaluar përhapjen e koronavirusit Sars-Cov-2 nuk shoqërohet me ndryshime në parametrat e frymëmarrjes ose shenjat klinike të shqetësimit të frymëmarrjes.
Kjo u demonstrua nga një ekip italian kërkimor në një studim të botuar në revistën shkencore Jama Netëork Open i cili sugjeron rëndësinë e përdorimit të tyre edhe nga fëmijët, veçanërisht në funksion të rihapjes së shkollave.
"Ne kemi treguar se përdorimi i maskave kirurgjikale nuk shoqërohet me ndryshime në funksionin e frymëmarrjes - tregojnë studiuesit e koordinuar nga Dr. Riccardo Lubrano, profesor i asociuar i Departamentit të Pediatrisë të Universitetit "La Sapienza" të Romës - Me hundë dhe gojë të mbuluar, edhe fëmijët më të vegjël nuk kanë probleme klinike dhe as psikologjike”.
Studimi përfshiu 47 fëmijë të shëndetshëm, të moshës midis 4 mujash dhe 12 vjeç, të ndarë në dy grupe - fëmijë të moshës mbi 4 muaj dhe deri në 24 muaj (grupi A) dhe fëmijë të moshës mbi 24 muaj deri në 144 muaj (grupi B).
Të dy përfunduan dy seanca testimi, së pari pa maska fytyre dhe më pas të veshur me një maskë fytyre kirurgjikale, gjatë së cilës ata kryen aktivitete normale të lojës për 30 minuta.
Një provë e tretë u përfshi për grupin B, i cili konsistonte në ecjen e shpejtë për 12 minuta para dhe prapa përgjatë një korridori 40 metrash të veshur me maskë.
Gjatë testeve, të dy shenjat vitale dhe funksioni i frymëmarrjes u monitoruan dhe vlerat u analizuan me metoda statistikore për të ekzaminuar çdo ndryshim.
"Nuk kishte ndryshime të rëndësishme statistikisht - tregojnë studiuesit. Përdorimi i maskave nga fëmijët, pra, nuk shoqërohej me hipoventilim alveolar ose paqëndrueshmëri hemodinamike”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
