Banorët e “5 Majit”, Laprakës, Paskuqanit dhe të Kodrës së Priftit janë duke marshuar drejt ambasadës Amerikane pas qëndrimit për gati një orë para parlamentit. Banorët e 5 majit preken nga projekti i procesit rindërtimit, ndërsa banesat e Paskuqanit, Laprakës dhe Kodrës së Priftit preken nga projekti i ndërtimit të Unazës së Madhe, pjesë e urbanizimit të Tiranës.
Marshimit të banorëve u janë bashkuar dhe përkrahës të Sali Berishës dhe deputetë demokrat të cilët kanë lënë sallën e parlamentit.
Kujtojmë se prej disa javësh tashmë banorët e katër zonave të Tiranës janë mbledhur në formë proteste para parlamentit duke kërkuar që të dëgjohen ankesat e tyre. Banorët kërkojnë kontrata të rregullta dëmshpërblimi, banesa ku të strehohen dhe transparencë nga bashkia e Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
