Qeveria e Presidentit Daniel Ortega ka dëbuar 222 besimtarë, mes tyre 91 murgesha, që nga prilli 2018, sipas raportit “Liria fetare, persekutimi i laikëve” të lëshuar nga OJQ Colectivo Nicaragua Nunca Mas.
“Në total që nga viti 2018 janë dëbuar të paktën 222 besimtarë, përfshirë 91 murgesha”, lexohet në dokumentin ku saktësohet se 34 priftërinj u detyruan të largoheshin nga shteti i Amerikës së Jugut në periudhën janar-prill të këtij viti.
Kjo është një prirje e cila nuk tregon shenja pakësimi, duke pasur parasysh se javën e kaluar shtatë njerëz të tjerë fetarë, gjashtë priftërinj dhe një frat, u dëbuan dhe u dërguan përsëri në Vatikan.
“Shkeljet e shumëfishta të lirisë fetare vazhdojnë në Nikaragua, duke reflektuar një peizazh të represionit në rritje, me arrestime arbitrare, sulme të drejtpërdrejta ndaj liderëve fetarë, stigmatizim dhe mesazhe urrejtjeje në deklaratat zyrtare për lirinë e fesë”, thuhet në raportin ColectivoNunca.
Që nga viti 2021, 420 organizata të krishtera janë anuluar, duke përfshirë Caritas të hequr nga dioqeza e Matagalpa.
Këtyre të dhënave i shtohet edhe ajo sipas së cilës “janë konfiskuar të paktën 22 media fetare, siç është së fundmi Radio Maria, transmetimi i fundit i të cilit është transmetuar më 9 korrik”.
Dokumenti denoncon gjithashtu heqjen e shtetësisë nga qeveria e Ortega. Në dy vitet e fundit, 22 priftërinj nga Nikaragua, përfshirë Imzot Rolando Alvarez, peshkop i dioqezës së Matagalpa-s dhe imzot Silvio Baez, peshkop ndihmës i Managua-s, janë hequr nga kombësia e tyre Nikaraguane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
